മൂവാറ്റുപുഴ: നഗരത്തെ ചെമപ്പ് അണിയിച്ച് ആയിരങ്ങൾ പങ്കെടുത്ത റോഡ്ഷോ എൽഡിഎഫ് സ്ഥാനാർഥി എൻ. അരുണിന്റെ തിരഞ്ഞെടുപ്പ് പ്രചാരണത്തിന് ആവേശം വർധിപ്പിച്ചു.
എൽഡിവൈഎഫ് നേതൃത്വത്തിൽ വൺവേ ജംഗഷനിൽനിന്ന് കെ.എസ്.ആർ.ടി.സി ബസ്റ്റാന്റ്വരെയാണ് റോഡ്ഷോ സംഘടിപ്പിച്ചത്.
ഡിജെ സൗണ്ട്- ലൈററ് സംവിധാനത്തിന്റെ അകമ്പടിയോടെ പാട്ടും, നൃത്തവും, സ്ഥാനാർഥിയുടെ ചിത്രം പതിച്ച പ്ലക്കാർഡും കയ്യിലേന്തി ആയിരങ്ങളാണ് അണിനിരന്നത്.
തുറന്ന വാഹനത്തിൽ സ്ഥാനാർഥി പ്രവർത്തകരെ അഭിവാദ്യം ചെയ്തു.
വിധിയെഴുത്തിന് കൗണ്ട്ഡൗൺ ആരംഭിച്ചിരിക്കെ എൽ.ഡി.എഫിന്റെ തിരഞ്ഞെടുപ്പ് പ്രചാരണത്തിന് കൂടുതൽ ഉണർവ് നല്കുംവിധം യുവജന പങ്കാളിത്തം ദൃശ്യമായിരുന്നു.
